काठमाडौं । उपत्यकाका तीन जिल्ला काठमाडौं, भक्तपुर र ललितपुरका प्रमुख जिल्ला अधिकारीहरुको बैठक बस्दैछ । जारी निषेधाज्ञा एक हप्ता थप्ने तयारीका विषयमा छलफल गर्नका लागि वैठक बस्न लागेको काठमाडौंका प्रमुख जिल्ला अधिकारी कालीप्रसाद पराजुलीले जानकारी दिनुभयो । गत वैशाख १६ देखि जारी गरिएको निषेधाज्ञा सकिन दुइ दिन बाँकि रहदा सीडीओको वैठक बस्न लागेको छ।
उपत्याकामा संक्रमण जोखिम उच्च रहेकाले थप एक साता निषेधाज्ञा लगाउने तयारी गरेको काठमाडौंका प्रमुख जिल्ला अधिकारी (सीडीओ) कालीप्रसाद पराजुलीले जानकारी दिनुभयो । उपत्यकाका सीडीओहरुको संयुक्त बैठकले निषेधाज्ञाबारे थप निर्णय गर्ने छ ।
‘संक्रमणको जनेखिम कायमै रहेकाले र कोरोना संक्रमण रोकथामका लागि निषेधाज्ञा एकसाता थप्ने तयारी गरेका छौं, ‘थप निर्णय आजको संयुक्त बैठकले गर्नेछ सीडीओ पराजुलीले भने।’
